PICENG216

 

Course Code: PICENG 216            Course Title: Transport Processes II

Heat transfer: modes of heat transfer, steady state conduction through regular surfaces, convective heat transfer, radiation heat transfer in furnaces and boilers, heat exchangers. Mass transfer: diffusion and inter-phase mass transfer, vapor-liquid separation processes and distillation, gas-liquid processes, membrane processes, basic instrumentation and control of distillation systems and RO plants.

مادة جميلة و ممتعة في محتواها، نقدر نقول ان محتواها مكس بين 213 و 212 و حتى الكميستري، لكن المادة ثقيلة نوعًا ما، لأن الدراسة أغلبها بتكون عليك انت كطالب، بترجع للكتاب مرات و مرات حق تفهم، بتدور مصادر ثانية حق تعرف طريقة الحل، الدراسة في المادة متعبة شوي لكن الدكتور يعني بقدر المستطاع يعطي في الشرح، و يبي الناس تشارك و تتفاعل و تنتبه، فكل ما كنت مشارك في اللكجر كل ما كنت في ناحية أفضل عند ااتصحيح و غيره، و نعيد مرة ثانية على ان المادة محتواها جميل و ممتع.  غالبًا الدكتور ما يطلع في امتحاناته عن اللي يعطينا اياه في السلايدات و هذي إيجابية، بس بعد اللي يبي يوصل أعلى درجة ممكنة بيحاول يحل من أسئلة الكتاب. و نقطة مهمة أيضًا إذا تفتح الكتاب لازم تحاسب ان القوانين هي نفسها قوانين الدكتور، لأن بعضهم كان في اختلاف كبير فامشوا ورا قوانين الدكتور.

 

يمكن تمر أيام يصير فيها ضغط، لأن الدكتور في الأغلب ما يعطيكم حرية الاختيار ليوم معين حق الكويزات، يتساعد ساعات بس في أكثر من مرة ما يهتم و يحط تواريخ من عنده و عادي جدًا يحط كويزين في يوم واحد و قبل الفاينلز بجم يوم و صارت ذي، فخلكم أول بأول حق تتجنبون الضغط و حق تشاركون مع الدكتور.

 

ركزوا في المادة و حاولوا تفهمونها لأن جزء بسيط منها بنرد ناخذه و بيدخل في مادة ثانية،

و الله يوفقكم إن شاء الله .

محمد الأسدي