PICENG325
Course Code: PICENG 325 Course Title: Microprocessors in Process Automation
Introduction to microcontroller architecture: CPU, RAM, ROM and flash memory. Microcontroller programming. Interrupts, analog to digital conversion, digital to analog conversion. Universal asynchronous receiver transmitter. Microcontroller C language. Case studies: microcontroller application in instrumentation and control.
المايكرو من أحلى المواد الي بتاخذونها في لفل
ثري ممكن تكون في البداية شوي مملة لكن إذا تعمقتون فيها شوي بتشوفون شلون المادة
ممتعة بغض النظر عن الكلام الي نسمعه عن المادة أو الدكتور الي يدرس المادة كل شخص
ليه تجربته الخاصة و نظرته الخاصة للأمور، ولكن اللي شفته غن دكتور مصطفى غسول من
الدكاترة اللي تفهم شنو قاعدة تشرح ومُخلصة في شغلها مو تقرأ وتكرر بدون أي فايدة
صدق ممكن يصارخ ويزف واجد لكنه طيب ويبي يطلع طلاب فاهمة مو حافظة.
باختصار المادة عبارة عن بروقرامنق وكتابة عِدة أوامر برمجية بس مو
مثل ما تعودنا عليه في اللغات اللي درسناها قبل هني بندرس شي اسمه (Machine language) وهذي اللغة شوي طريقة كتابتها مختلفة
وتحتاج تعرف الهاردوير وشلون يشتغل عشان تكتب البرنامج.
مثل ما قلت ليكم في البداية، بتكون المادة مملة و بتتكلم عن طريقة
انتقال المعلومات في داخل المايكرو كونترولر و هذا الجزء ممل وفيه نظري لين ما
تقول بس و ما بتطولون فيه و تالي تنتقلون الى كتابة البرامج و هو الجزء الممتع في
هذي المادة و خلكم دايما واثقين من نفسكم حتى لو درجاتكم جدا سيئة طول الفصل دام
تحسون روحكم فاهمين لا تحاتون لأن الدكتور يراعي اللي فاهم بس شلون نثبت ليه ان
فاهمين؟ لازم الامتحان النهائي ينحل بحل مرتب و ما عليه غبار و بتحصل الدرجة اللي
ترضيك.
و نجي للمهم وهو شلون ندرس للمادة؟ بكثرة حل المسائل اللي موجودة في
رابط التخصص لأن الأفكار ما تطلع منها ونتدرب عدل من البداية في استخدام الفورملا
شيت هذا الشي واجد بيساعدك في فهم المادة وبيخليك سريع في الحل، وما ننسى شغلة
مهمة ان المادة بروقرامنق يعني ممكن في اكثر من طريقة حق حل السؤال كل واحد حسب
طريقة تفكيره فلا تخاف ان تكتب حل وتناقش الدكتور فيه لأن عادي يطلع حلك صح بس أنت
فكرت بطريقة غير اللي فكر فيها الدكتور، و حتى لو حصلت درجة نازلة أول تست، لا
تتنازل عن مراجعة الورقة لأن في احتمال حلك كان حل صحيح بس غير عن الحل النموذجي و
الدكتور ما فهم المكتوب والله يوفقكم.
أخوكم،
حسين علي